აზროვნების აკადემიის გამომცემლობა საინტერესო ამბის მთხრობელად გიწვევთ!
არც თუ ისე დიდი ხანია, რაც ჰ. ქრისტიან ანდერსენის უცნობი და მისი უკვე კარგად ნაცნობი შემოქმედებისგან განსხვავებული წიგნი „რა მიამბო მთვარემ“ გამოვეცით. ამ მცირე ხანშიც კი განსაკუთრებულად შეიყვარა წიგნი მკითხველმა და არაერთი გულწრფელი შეფასებაც მიგვიღია მათგან.
მოგეხსენებათ, წიგნი შედგება ოცდაცამეტი საღამოსგან. თითოეული სურათი უნიკალური, ახალი, ემოციური და დაუვიწყარი შთაბეჭდილებებითაა სავსე. ამბებს შორის შეხვდებით კარგად ნაცნობ, ყოველდღიურ ისტორიებს, რომლებიც თითქოსდა ჩვენი ნაწილია, თუმცა მთვარის მოთხრობილი, მისი თვალით დანახული სრულებით გამორიცხავს ამბავთა ჩვეულებრივ და ყოველდღიურ ხასიათს. აქვე წაიკითხავთ ისეთ ამბებსაც, რომლებიც აქამდე არსად შეგხვედრიათ და მათში ღამის მთავარი გუშაგი – მთვარე თავად შეგაჭყიტებთ.
ახლა კი დავუბრუნდეთ ამბის მთხრობელად მოწვევის ამბავს: გადავწყვიტეთ, რომ გამოვაცხადოთ კონკურსი სახელად: „ ოცდამეთოთხმეტე საღამო“, რაც მოიაზრებს, იმას რომ თქვენ თავად უნდა შექმნათ წიგნის ახალი თავი – მთვარის თვალით დანახული 34-ე ამბავი.
ამბავი ისე უნდა მოყვეთ, რომ წიგნში აქამდე დაწერილი სურათების ხასიათი და თხრობის ზოგადი სტილი არ დაკარგოთ. ისტორია შეიძლება იყოს რეალური, უკვე განცდილი და ნანახი, ან გამოგონილი, თქვენი წარმოსახვის ნაყოფი.
მოკალათდით, მოიმარჯვეთ კალამი და უშრეტი ფანტაზია, რადგან ერთი დღე ღამის უცვლელ გუშაგად – მთვარედ გადაიქცეთ და დაუვიწყარი, ემოციური და საინტერესო ამბავი შექმნათ.
ჩვენ თითოეული მონაწილის მიერ მოთხრობილ ამბავს გულდასმით წავიკითხავთ და 18 სექტემბერს გამოვავლენთ ფინალისტებს, ხოლო 20 სექტემბერს – გამარჯვებულს.
ნამუშევრების მიღების ბოლო ვადაა 15 სექტემბერი.
გამარჯვებულები დასაჩუქრდებიან:
მესამე ადგილი – აზროვნების აკადემიის ონლაინ პლატფორმის 100 ლარიანი ვაუჩერი, ჩვენი გამომცემლობის სამ წიგნიანი კომპლექტი
მეორე ადგილი – აზროვნების აკადემიის ონლაინ პლატფორმის 200 ლარიანი ვაუჩერი, ჩვენი გამომცემლობის სამ წიგნიანი კომპლექტი
პირველი ადგილი – აზროვნების აკადემიის ონლაინ პლატფორმის 500 ლარიანი ვაუჩერი, ჩვენი გამომცემლობის სამ წიგნიანი კომპლექტი
გამარჯვებული მოთხრობები გამოქვეყნდება ჩვენს საიტზე და სოციალურ ქსელებში.
ნამუშევრები გამოგვიგზავნეთ მეილზე: info@academybooks.ge, Subject-ში მიუთითეთ ოცდამეთოთხმეტე საღამო, თქვენი სახელი და გვარი. მეილში კი დაგვიტოვეთ საკონტაქტო ინფრომაცია.
გელოდებით დიდი ინტერესით და გისურვებთ წარმატებებს!
შესაძენად დააწექით წიგნს:
