ფსიქოლოგია

როგორ მუშაობს ადამიანის ფსიქიკა სხვადასხვა სიტუაციაში; რა ტიპის ფსიქოლოგიური ზემოქმედების ხერხები არსებობს; რა მიმართებაა დროსა და ემოციას შორის; რა „ხაფანგებს“ გვიგებს კრიზისები; რას ამბობს ჩვენი სხეული ჩვენსავე თავზე და სხვებთან დამოკიდებულებებზე − წიგნი განკუთვნილია ნებისმიერი ასაკისა და პროფესიის ადამიანისთვის, ვისაც ჩამოთვლილი თემები აინტერესებს.

ზიგმუნდ ფროიდის კლინიკური და თეორიული აღმოჩენები მეოცე საუკუნის გარიჟრაჟზე აფუძნებენ ფსიქოანალიზს, როგორც მოძღვრებას, რომელმაც ყველაზე დიდი წვლილი შეიტანა ადამიანის ფსიქიკური ცხოვრების, მისი ნორმისა და პათოლოგიის შინაგანი მექანიზმების გაგების საქმეში. ფსიქოანალიზის ძირითადი კონცეპტები, რომლებიც ქმნიან უკიდურესად რთულ თეორიულ ნაგებობას, ემყარება როგორც ბავშვობის ასაკის, ასევე ბავშვის კვლევას იმ კულტურული, ოჯახური და ენობრივი გარემოს გათვალისწინებით რომელშიც ის ცხოვრობს და ვითარდება, როგორც ენისა და სურვილის სუბიექტი.

ეს წიგნი სწორედ ბავშვთა ფსიქოანალიზს ეძღვნება და აერთიანებს ფრანგ ფსიქოანალიტიკოსთა ნაშრომებს, როგორც თანამედროვე, ასევე კლასიკოს მკვლევარებს ლაკანიანური თუ სხვა ფსიქოანალიტიკური სკოლებიდან საფრანგეთში, რაც ქართველი მკითხველისთვის წარმოადგენს უნიკალურ შესაძლებლობას გაეცნოს ბავშვთა ფსიქოანალიზის ფრანგულ სკოლას, გამორჩეულს განსაკუთრებული სიღრმითა და დახვეწილი კონცეპტუალური სისტემით, რომელიც ცენტრალურ მნიშვნელობას სუბიექტს, ენობრივ გარემოსა და მშობლების როლს ანიჭებს ბავშვის ფსიქიკურ ცხოვრებაში.

წიგნი განკუთვნილია, როგორც ფსიქოლოგების, ფსიქოანალიტიკოსების, პედაგოგებისა და განათლების სფეროს წარმომადგენლებისათვის, ასევე მშობლებისა და ბავშვებთან მომუშავე კლინიკური ფსიქოლოგებისათვის.

კრებულში გაერთიანებული ფრანგ ავტორთა ნაშრომები ასოციაცია “ქართული ფსიქოანალიტიკური სივრცის“ წევრებმა თარგმნეს, რომელიც აზროვნების აკადემიის თანადგომით გამოიცა.

„უფრო ახლოს სხეულთან“, იგივე „ტონოპლასტიკა“ არის წიგნი, რომელიც სხვადასხვა ფსიქოფიზიკური სავარჯიშოებით გვეხმარება იმ დაძაბულობებისგან გათავისუფლებაში, რომელიც ჩვენს სხეულში სტრესის და სხვადასხვა უსიამოვნო განცდების შედეგად არის დარჩენილი.

რას გვაძლევს ტონოპლასტიკა

ტონოპლასტიკა გვეხმარება

დაღლილობის მოხსნასა და არიდებაში,

შრომისუნარიანობის ამაღლებაში,

მახსოვრობის გაუმჯობესებაში

ტონოპლასტიკა გვეხმარება

სხვებთან ურთიერთობისას თავი ვიგრძნოთ თავისუფლად, თავდაჯერებულად და მსუბუქად,

ყველაზე საპასუხისმგებლო სიტუაციებში

ვიყოთ გულისყურით და მშვიდად,

გავთავისუფლდეთ შიშებისა და მოუსვენრობისგან

ყველა კულტურას თავისი ლიტერატურული ქვაკუთხედი გააჩნია. საქართველოსთვის ეს „ვეფხისტყაოსანია“, რომლის თითოეული სტროფი ცხოვრებისეულ გაკვეთილს წარმოადგენს. იგი გმირების თავგადასავალია, სადაც პერსონაჟები გვევლინებიან, როგორც სამაგალითო მეგობრები, მიჯნურები და ზოგადად, სამაგალითო ადამიანები.

წინამდებარე წიგნიც ერთგვარი თავგადასავალია – თავგადასავალი „ვეფხისტყაოსნის“ სამყაროში. ამ წიგნში შეხვდებით რჩევებს, მაგალითად, თუ როგორ უნდა წაიკითხოთ ეს პოემა (მანანა თანდაშვილის სტატია), რა ფსიქოლოგიური სიღრმეები იმალება პერსონაჟთა ქცევებსა თუ სიტყვებში (რეზო კორინთელის სტატია). ზურაბ კიკნაძის სტატიაში საშუალება გექნებათ გაიაზროთ თუ რა სიმბოლოები გვხვდება რუსთაველის პოემაში. ლევან გიგინეიშვილის, ნანა ჩაჩუასა და ანდრო დგებუაძის სტატიებში გაეცნობით ეპოსის ფილოსოფიურ მხარეებს.

“Amo, ergo sum” – “მიყვარს, მაშასადამე ვარსებობ” არის ბრიტანელი პოეტის კეტლინ რეინის ერთ-ერთი ლექსის სახელწოდება, რომელშიც იგი აჩვენებს თუ რა არსებითი კავშირი აქვს სიყვარულს არსებობასა და სიცოცხლესთან. წინამდებარე წიგნში წარმოდგენილია აზროვნების აკადემიაში სიყვარულის ირგვლივ გამართული საუბრები. განხილულია სიყვარულის ფსიქოლოგიური და ფილოსოფიური ასპექტები, სიყვარულის რა განსხვავებული ტიპი არსებობს, როგორ ვლინდება სიყვარული ცალკეულ ფსიქოტიპში და როგორ არის შესაძლებელი მათი ურთიერთშეწყობა, რამდენად მნიშვნელოვანია სიყვარული ურთიერთობებსა და გარემომცველ სამყაროსთან დამოკიდებულებაში, რას ფიქრობდნენ სიყვარულის შესახებ ფილოსოფოსები და რით არის მნიშვნელოვანი ეს ნააზრევი ჩვენთვის და დასასრულს კი მსჯელობა ეხება იმ საკითხს, თუ რატომ უნდა წარმოვიდგინოთ სიყვარული, როგორც არსებობის აუცილებელი პირობა.

კაცობრიობის ევოლუციის პროცესში, დიდი მოაზროვნეები ცდილობდნენ გაერკვიათ, საიდან იბადება ემოცია, გულიდან თუ გონებიდან და კარგია თუ ცუდი საკუთარი განცდების გარეთ გამოტანა.

თანამედროვე ფსიქოლოგია ემოციებს, ემოციურ ინტელექტს განსაკუთრებულ  მნიშვნელობას ანიჭებს და მას ადამიანად ყოფნის ერთ-ერთ მთავარ განმსაზღვრელ ფაქტორიად თვლის.

„აზროვნების აკადემიის“ სივრცეში მოწვეული ცნობილი ლექტორები მკითხველთა ფართო აუდიტორიას საკუთარ, მეცნიერულად დასაბუთებულ, მოსაზრებას უზიარებენ ემოციებთან დაკავშირებით – იქნება ეს ემოციური თვითრეგულაციის მნიშვნელობა თუ ემოციური გადაწვა. წიგნი თეორიულ ცოდნასთან ერთად, პრაქტიკულ რჩევებსაც შეიცავს და კარგი დამხმარე საშუალებაა პიროვნული თვითგანვითარების გზაზე.

„კარლ გუსტავ იუნგი ამბობს, რომ ობიექტური რეალობა ისეთია, როგორადაც ინდივიდი აღიქვამს ამ ობიექტურობას. ჩვენს ადგილს სამყაროში განსაზღვრავს საკუთარი თვითშეფასება, რომელიც სხვადასხვა ფაქტორებით, აღზრდის სტილითა თუ გარემოთი არის განპირობებული და ზოგჯერ უკიდურესად დაბალია, ზოგჯერ კი უკიდურესად მაღალი.
სწორი თვითშეფასების ჩამოყალიბება, რაც არსებულ წარმოდგენებსა და საკუთარი თავის შესახებ ფიქრებში ბალანსის დაცვას გულისხმობს, არის ადამიანისთვის ჭეშმარიტი და სრულფასოვანი ცხოვრების საფუძველი.

წინამდებარე კრებულში თავმოყრილია აზროვნების აკადემიაში წაკითხული ლექციები, რომლებიც საკითხით დაინტერესებულ მკითხველს ჯანსაღი თვითშეფასების ძირეული ელემენტების გაცნობაში დაეხმარება.“

წიგნი ჩვენი ყოფის ყველა ეტაპის მიმოხილვა და ანალიზია. რატომ გვაქვს მაღალი ან დაბალი თვითშეფასება, საიდან იღებს სათავეს დეპრესია, რა არის ნევროზებისა და აკვიატებების სათავე, კარგია თუ ცუდი კრიზისი ჩვენს ცხოვრებაში და რა კოდირებულ ინფორმაციას ინახავს არაცნობიერი, რომელიც ერთი დიდი საცავივით სავსეა ჩვენი ბავშვობის ამბებით.

ზურა მხეიძის საუბრებიდან ყოველთვის ახალს აღმოაჩენ, იქაც კი, სადაც ათასჯერ გაგივლია და აღარ აქცევ ყურადღებას, რადგან გგონია, რომ ყველაფერი იცი.